Mẫu tìm kiếm

Lok fɔlɔ 9

Mɔgɔ minw kɔsegira Zeruzalɛmu

1Isirayɛlidenw bɛɛ tɔgɔ tun sɛbɛnna Isirayɛli mara masacɛw ka kitabu kɔnɔ.

Zuda mara mɔgɔw minɛna ka taga Babilɔni jɔnya la, u ka tilenbaliya kosɔn. 2- Mɔgɔ minw kɔnna ka kɔsegi ka na sigi u ka duguw kɔnɔ, ani k'u ka yɔrɔ tigiya kɛ, olu ye Isirayɛliden mɔgɔ gwansanw ye fɔlɔ. O kɔ, sarakalasebagaw tugura, o kɔ, Levi kɔmɔgɔ tɔw, ani Alabatoso kɔnɔ baarakɛlaw.

3Zuda kɔmɔgɔ dɔw ni Bɛnzamɛn ta, ni Efarayimu ta, ani Manase ta dɔw tun siginin be Zeruzalɛmu.

4Zuda deen Pɛrɛti kɔmɔgɔw cɛma, Bani deen Imuri deen Omuri deen Amiwudi dencɛ Utayi tun be yen. 5Sela ka fadenyabolo la, Azaya tun ye deen fɔlɔ ye, ale deenw tun be yen. 6Zera ka fadenyabolo la, a deen Yewuyɛli tun be yen. Zuda kɔmɔgɔw tun ye mɔgɔ kɛmɛ wɔɔrɔ ni bi kɔnɔntɔn ye.

7Bɛnzamɛn kɔmɔgɔw cɛma, olu tun ye Asenuwa deen Odawiya deen Mesulamu dencɛ Salu ye, 8ni Yerowamu dencɛ Yibineya, ni Mikiri deen Uzi dencɛ Ela, ani Yibiniya deen Erewuyɛli deen Sefatiya dencɛ Mesulamu. 9Ka kɛɲɛ n'u buruju ye, Bɛnzamɛn kɔmɔgɔw tun ye mɔgɔ kɛmɛ kɔnɔntɔn ni bi duuru ni wɔɔrɔ ye. O mɔgɔ nunu bɛɛ tun ye gwatigiw ye.

Sarakalasebaga minw kɔsegira

10Sarakalasebagaw cɛma, minw tun be yen, olu ye: Yedaya ni Yoyaribu, ni Yakin, 11ani Ala ka soo kuntigi Ayitubi deen Merayɔti deen Sadɔki deen Mesulamu deen Ilikiya dencɛ Azariya, 12ani Malikiya deen Pasewuri deen Yerowamu dencɛ Adaya, ni Imɛri deen Mesilemiti deen Mesulamu deen Yazera deen Adiyɛli dencɛ Masayi. 13Gwatigiw ni sarakalasebaga tɔw tun ye mɔgɔ waa kelen ni kɛmɛ wolonwula ni bi wɔɔrɔ (1 760) ye. Cɛfariw tun lo minw be Ala ka soo kɔnɔ baara kɛ.

Levi kɔmɔgɔ minw kɔsegira

14Levi kɔmɔgɔw cɛma, Merari ka fadenyabolo la, Asabiya deen Azirikamu deen Asuba dencɛ Semaya tun be yen. 15Bakibakari ni Ɛrɛsi, ni Galali, ani Azafu deen Zikiri deen Mika dencɛ Mataniya fana tun be yen. 16Yedutun deen Galali deen Semaya dencɛ Obadiya fana tun be yen, ani Ɛlikana deen Aza dencɛ Berekiya, ale tun siginin be Netofa mara la.

Kɔlɔsibaga minw kɔsegira

17Minw tun be yen daa kɔlɔsibagaw cɛma, o ye Salumu ye, ni Akubu ni Talimɔn, ani Ayiman n'u balimaw. Salumu le tun ye u kuntigi ye. 18Hali ka na se bii ma, olu le be lɔ masacɛ ka donda la Alabatoso kɔnɔ, kɔrɔn ɲafan fɛ. Olu fana le tun be Levi kɔmɔgɔw sigiyɔrɔ kɔlɔsi. 19Kore deen Ebiyazafu deen Kore dencɛ Salumu n'a balima tigitigiw, minw ye Kore kɔmɔgɔw ye, u ka baara tun ye Ɲɔgɔnkunbɛn fanibugu daa kɔlɔsili ye. O baara le tun dira u faaw ma k'u ka to ka Masaba ka sigiyɔrɔ kɔlɔsi. 20Eleyazari dencɛ Pinasi le tun y'u kuntigi ye fɔlɔfɔlɔ. Masaba tun be n'a ye. 21Mesɛlɛmiya dencɛ Zakari tun ye Ɲɔgɔnkunbɛn fanibugu daa kɔlɔsibaga ye.

22Mɔgɔ minw bɛɛ tun wolomana ka kɛ daaw kɔlɔsibagaw ye, olu tun ye mɔgɔ kɛmɛ fila ni tan ni fila ye. U tun y'u tɔgɔ sɛbɛn u ka duguw la. Masacɛ Dawuda ni kira Samuyɛli le tun y'u sigi u ka baara nin na, u ka to yen kudayi. 23U tun ye olu n'u kɔmɔgɔw bila ka Masaba ka soo daa kɔlɔsi. 24Daa kɔlɔsibaga nunu tun siginin be faan naani nunu bɛɛ la: kɔrɔn fɛ, ni tileben fɛ, ni kɔgɔdugu ɲafan fɛ, ani worodugu ɲafan na. 25U balima minw tun tora u ka duguw kɔnɔ, olu tun ka kan ka to ka na waati dɔw la, ka na u dɛmɛ tile wolonwula kɔnɔ. 26Nga kɔlɔsilikɛbagaw kuntigi naani tun be to yen tuma bɛɛ. Levi kɔmɔgɔw tun lo. U tun be Ala ka soo kɔnɔ bondenninw ani nafolo marayɔrɔw kunna. 27U tun be to ka si Ala ka soo kɔrɔ, bari u ka baara tun ye a kɔlɔsili ye, ani k'a dayɛlɛ sɔgɔma o sɔgɔma.

Levi kɔmɔgɔ dɔ wɛrɛw

28U dɔw ka baara tun ye Ala ka soo kɔnɔ baarakɛminanw kɔlɔsili ye. N'u be don k'u bila, u b'u jati, ni u b'u ta ka bɔ, u b'u jati tugu. 29U dɔw fana tun sigira ka to ka janto baarakɛminan tɔw la, ani minan minw be Yɔrɔ Senuman la. U fana tun be janto muguko la, ni duvɛn, ni tulu, ni wusulan ani tulu kasadimanw. 30Nga sarakalasebagaw le tun be to ka tulu kasadiman nunu labɛn.

31Salumu ka bɔ Kore ka fadenyabolo la, ale deen fɔlɔ Matitiya le tun wolomana Levi kɔmɔgɔw cɛma, ka bila burujɛni kama. 32Lafiɲɛlon o lafiɲɛlon, buru minw be to ka bila Ala ye, Keyati ka fadenyabolo mɔgɔ dɔw ka baara le tun y'o labɛnko ye.

33Dɔnkililabaga minw tun ye Levi kɔmɔgɔw ka gwatigiw ye, olu tun be to ka la Ala ka soo bondenninw kɔnɔ, u tun te baara wɛrɛ kɛ, bari u tun be u ka baara la suu ni tile.

34Levi kɔmɔgɔw ka gwatigiw le ye nunu ye ka kɛɲɛ n'u burujuw ye. U tun siginin be Zeruzalɛmu.

Sayuli ka somɔgɔw

(8.29-38)

35Gabaŋɔn facɛ Yeyɛli tun siginin be Gabaŋɔn dugu kɔnɔ, a ka muso tɔgɔ tun ko Maaka. 36A deen fɔlɔ tɔgɔ ko Abidɔn, dɔ nunu tɔgɔ ko Suri, ni Kisi, ni Baali, ani Nɛri, ni Nadabu, 37ni Gedɔri ni Ayo, ni Zakari ani Mikilɔti. 38Mikilɔti ye Simeyamu wolo. Olu fana tun siginin be Zeruzalɛmu i n'a fɔ u balimaw, u siginin tun be ɲɔgɔn fɛ yen.

39Nɛri le ye Kisi wolo, Kisi fana ye Sayuli wolo, Sayuli ye Zonatan wolo, ni Malikisuwa ni Abinadabu ani Ɛsibaali.i 40Zonatan deen ye Meribaalij ye. Meribaali fana ye Mika wolo. 41Mika deenw ye Pitɔn, ni Mɛlɛki ani Tareya ye. 42Azi ye Yayera wolo, Yayera fana ye Alɛmɛti wolo, ni Azimawɛti, ani Zimuri. Zimuri ye Mosa wolo. 43Mosa ye Bineya wolo, Bineya ye Erefaya wolo, Erefaya fana ye Eleyaza wolo, ale ye Asɛli wolo. 44Asɛli ye deen wɔɔrɔ le sɔrɔ. U tɔgɔ filɛ: Azirikamu ni Bokuru, ani Yisimayɛli ni Seyariya, ani Obadiya ni Anan. Olu le ye Asɛli deenw ye.

ALA KA KUMA

© 2008 Alliance Biblique du Burkina Faso

More Info | Version Index