Mẫu tìm kiếm

SALMOS 103

1We ḻawa' X̱anžo Dios ḻen dot yichj ḻáẕda'wa'.

We ḻawa' La la'y chie' ḻen dot da' naka'.

2We ḻawa' X̱anžon' ḻen dot yichj ḻáẕda'wa',

na' bi gaḻ ḻaža'a da' chawe' da' bene' chia'.

3Ženít ḻawe' yógo'te doḻa' da' nbaga'a.

Žeyone' neda' chegak yógo'te yižwé' ka' da' yoa'a.

4Žape chi'e neda' nich bi gata'.

Ḻo yeḻa' ži'i ḻaže' chie', na' yeḻa' žeyache' ḻaže' chie' ẕka'n chawe'e neda'.

5Ẕzanḻi'e da' chawe' ka' da' žákgaken chia'

nich yeyaka' ka to benne' yiz kwide', na' benne' waḻe kan žak che to bsia.

6X̱anžo Dios ẕchi'a ḻaže'e da' žak chegak benne' ka' ẕzáka'ḻe'egake',

na' ẕka'n chawe'e ḻégake'.

7Bḻoe'ele' Moisés da' ka' wló'o ḻaže'e gone',

na' bi'e latje benne' Israel ka' bḻé'egekle' da' ẕen ka' da' bene'.

8X̱anžon' žeyache' ḻáže'le', na' nži'ile' benách ka'.

Nake' ẕen ḻaze', na' nží'iḻe'ele' benách chie' ka'.

9Bi ẕtiḻkze' žo'o, na' kegé to chi'ize ẕže'e žo'o.

10Bi žebi'e chežo ka nak ẕia da' nbága'žo,

na' bi na' wžía yi'e žo'o ni'a che x̱tóḻa'žo.

11Ka nak sibe ya'abá ḻawle yežlyó,

kikze nak yeḻa' ži'i ḻaže' ẕen chie' ḻen benne' ka' žápegake' Ḻe' ba la'ne.

12Ka nak zi'to' gan ẕḻa' wbíž, na' gan ženen,

kikze ẕkwase' zíto'le doḻa' da' nbága'žo.

13Kan nak x̱a x̱kwide' ka' ži'i ḻaže' ḻen ẕi'nkze' ka',

kikze nak X̱anžon' ži'i ḻaže' ḻen benne' ka' žápegake' Le' ba la'ne.

14Ḻe' nnézkzele' kan nakžo ḻo beḻa' žen chežo.

Žejsá' ḻaže'e nakžo bix̱te yo.

15Ka nak yeḻa' nban chežo, nakžo ka to yix̱e'.

Ẕgolžo ka žak che to yeje yix̱e'.

16Kate' ẕde be' ga na', na' ẕnitlen,

na' biž zoa no benne' žejsá' ḻaže'e chen,

17san ka nak chegak benne' ka' žx̱en ḻáže'gake' X̱anžon',

yeḻa' ži'i ḻaže' chie' zóaḻenen ḻégake' to chi'ize,

na' da' chawe' chie' zóaḻenkzen yógo'te ẕa'sógake',

18benne' ka' žóntezgake' kan ẕnna diža' dan' bénḻene' ḻégake',

na' benne' ka' žóngake' kan wnnakze' Ḻe'.

19Bzoa X̱anžon' latje chie' ya'abá gan ži'e ẕnna bi'e.

Nakkze' Benne' Wnná Bia' Ẕen ḻáwlegak da' zej den.

20Le wká'n ẕen X̱anžon', ḻe'e, wbás che ya'abá ka'.

Nakle wbás waḻe, na' chochḻe'e, na' žonle kan ẕnne',

na' ẕze nagle da' ži'e ḻe'e.

21Le wká'n ẕen X̱anžon', ḻe'e, wbás che ya'abá ka' žejle ḻo wdiḻe.

Nakle wbás wen žin chie' ka', na' žonle kan žénele' Ḻe'.

22Le wká'n ẕen X̱anžon', yógo'tele ḻe'e, ben Dios ḻe'e,

na' zoale yógo'te latje gan ẕnna bi'e Ḻe'.

We ḻawa' X̱anžon' ḻen dot yichj ḻáẕda'wa'.

Dižaʼ chaweʼ kub len Salmo kaʼ

© 2002, Wycliffe Bible Translators, Inc. More Info | Version Index